CAPÍTULO 3. O CUMPREANOS DE ELSA
Na sala de festas do colexio de Modana, o ambiente é moi cálido. Karine está co aparello de música (ten todos os CD's de Christophe Willem, de Zazie, de Diams!), Thierry está no bar e Rémi...pois ben Rémi está en todas partes, no bar, no aparello de música, na pista de baile e mesmo enriba das mesas! Todas as rapazas bailan con el. El baila moi mal pero é moi divertido. Nos seus brazos, un non para de rir.
Ás 9, Karine apaga a música. Os bailes paran. Que acontece? Karen colle o micro: "Aínda tedes fame?" Por que pregunta iso? Na montaña sempre temos fame!
"Si! Si! Si!
Que dicides?
Temos fame!
É triste, xa non hai nada para comer e é a hora de se deitar. Boas noites a todo o mundo!
- Wouh! O pastel! O Pastel!
-O pastel? Que pastel? Non hai pastel aquí..."
Pero ninguén a cre. De súpeto, a sala mergúllase na escuridade. Xa non se ve nada. Os mozos e as mozas fan os tolos. Pero, que é isto? Diante da porta...Zoé, toda de branco, Zoé co pastel. E sobre o pastel hai catorce candeas. Todos os compañeiros de Elsa comezan a cantar:
"Cumpreanos feliz.....Bravo"
Está toda vermella. Está moi contenta. É unha festa xenial.
"Unha canción! Unha canción!" berra Rémi.
E os demais:
"Elsa, unha canción! Elsa, unha canción"
-Pero non sei cantar!
Non é verdade! Ela canta moi ben. Canta unha canción en francés, e Zoé canta unha canción en sueco ( a súa avoa é sueca), Karine canta unha canción en inglés (a súa familia vén de Londres), e Rémi canta unha canción...en "rémi", e é horrible, horrible, todo o mundo pídelle que pare, pero non para, claro, ninguén pode parar a Rémi durante unha festa. Karine vai moi rápido cara ao aparello de música e o último CD de Christophe Willem salva o cumpreanos de Elsa dunha catástrofe musical!
Aucun commentaire:
Enregistrer un commentaire