Grazas ao comentario dun interlocutor francés no blog que estou construíndo sobre o tratamento da interculturalidade (CONNAÎTRE L'AUTRE), coloco o enlace da web de Patrick Charaudeau, ao que considero un dos mellores gramaticólogos e lingüistas. Ou, quizais, o que máis me influiu á hora de estudar e formalizar o ensino do F.L.E. (Francés Lingua Estranxeira) para alumnado galego.
De feito, podo dicir que aprobei a oposición aplicando xa a gramática da expresión de Charaudeau e desde aquela forma parte, coma un libro de cabeceira, da miña experiencia docente. Loxicamente, hai que considerar que o nivel que se ofrece na súa é para un ensino posterior ao obrigatorio. Pero non por iso, o alumno ou alumna curiosa, pode deixar de curiosear e ver que nos ofrece o insigne profesor.
Saúdos
Aucun commentaire:
Enregistrer un commentaire