Ás veces, nas aulas, cando tes que falar da importancia do uso do TU e do VOUS, isto é, de tutear ou do tratamento de vostede, as cousas non sempre se perciben ben, xa que, neste país, por mor das circunstancias políticas -represivas durante 40 longos anos- pasouse a un ensino onde o tratamento de vostede está ausente. Quizais, porque se identifica coa represión padecida.
No entanto, no caso de Francia, e se ben hai opinións fluctuantes coma en todos os aspectos da vida, o certo é que para quen escribe, que viviu en Francia desde 1969 até 1983 e seguiu frecuentando Francia até 1989 con asiduidade, o tratamento de VOUS debe ser considerado importante.
Aínda lembro os acontecementos de hai uns anos, cando os adolescentes franceses, pero fillos de migrantes, se queixaban porque a policía non os trataba con cortesía, senón que os tuteaba de forma directa, sen respecto ningún.
No seguinte enlace hai unha serie de apreciacións interesantes sobre saber-vivir en Francia. Como se di na propia fonte: "Ils permettront ainsi au lecteur d’éviter des malentendus et des situations embarrassantes et d’établir des contacts harmonieux avec les Français dans un respect mutuel des différences culturelles" ("Permitirán ao lector evitar malentendidos e situacións molestas e establecer contactos armoniosos cos franceses nun respecto mútuo das diferenzas culturais").
E temos outra achega no enlace seguinte centrado na relación profesorado alumnado.
En calquera caso...tanto no TU e no VOUS....respecto recíproco!!!
E aínda máis outro enlace feito por unha profesora.
Aucun commentaire:
Enregistrer un commentaire